Бельгиялык фотографтын кыргыз жеринен тарткан сүрөттөрү Гент шаарында көргөзмөгө коюлду

Бельгиянын Гент шаарында 4-сентябрда бельгиялык фотограф Елизабет Каллендин Кыргыз Республикасы, Казакстан, Тажикстан жана Монголиядагы саякатында тарткан сүрөттөрүнүн көргөзмөсү ачылды. ТИМдин билдиришинче, жаш фотограф көргөзмөнү "Чексиздик" деп атады. Маалыматка таянсак, бельгиялык саякатчы кыргыз жеринде 6 ай жүрүп, улуттук маданият, каада-салттар, республиканын аймактары менен таанышып чыккан.   

Анын тарткан сүрөттөрүндө кыргыз өлкөсүнүн бийик тоолору, жайлоолору, өрөөндөрү жана көлдөрү чагылдырылып, көргөзмөнүн символу деп автор көк бөрү тартып жатышкан кыргыз жигиттери тартылган кадрды атаган.