Супер-Инфо
super.kg видео
Турдакун Усубалиевди акыркы сапарга узатуу зыйнатын уюштурууга президенттик фонддон 1 миллион сом бөлүндү
Кыргыз Республикасынын Президенти Алмазбек Атамбаев 7-сентябрда кол койгон буйрукка ылайык, көрүнүктүү мамлекеттик ишмер Усубалиев Турдакун Усубалиевичти акыркы сапарга узатуу зыйнатын уюштурууга КРнын Президентинин социалдык коргоо жана колдоо фондунан 1 000 000 (1 миллион) сом бөлүндү. Бул тууралуу президенттин басма сөз кызматы билдирди.
Автор: Айпери Ганыжан кызы
Ошондой эле Т.Усубалиевдин сөөгүн жерге берүү иш-чарасын өткөрүү боюнча уюштуруу комитети түзүлдү. Буйрукка ылайык, уюштуруу комитетин Кыргыз Республикасынын Премьер-министри Темир Сариев жетектейт. Аталган комитетке сөөк коюуну жана жарандык коштошуу зыйнатын уюштуруу менен байланышкан маселелерди чечүү тапшырылды.
Белгилүү мамлекеттик ишмер Турдакун Усубалиевди акыркы сапарга узатуу зыйнаты 9-сентябрда Тарых музейинде өтөт. Ал 6-сентябрдан 7-сентябрга караган түнү узакка созулган оорудан улам 96 жашында көз жумду.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
10:24
2025-07-21
12:59
2025-07-19
Рейтинг: 
0
0
Талкуу жабык.