Асылбек Жээнбеков: "Тааныш аркылуу кызматка орношуу кадр маселесине зыянын тийгизүүдө”

Бүгүн, 1-мартта КСДП фракциясынын жыйынында төрага Асылбек Жээнбеков мамлекеттик кызматтын аброю түшүп бара жатканын белгиледи. Ал: «Кандай гана шарт болбосун, мамлекеттик кызматтарды кайра түзүү сыяктуу өзгөрүүлөр болсо дагы, мурдагы кызматкерлер ордунда калышы керек. Анын үстүнө тааныш аркылуу кызматка орношуу да кадр маселесине зыянын тийгизүүдө»,- деди. Айта кетсек, КСДП фракциясынын жыйынында «Мамлекеттик кызмат жөнүндө» КРнын мыйзамына толуктоо киргизүү тууралуу» жана «Муниципалдык кызмат жөнүндө» КРнын мыйзамына толуктоо киргизүү тууралуу» мыйзам долбоорлору каралды.