Футбол. Тандоо турунда Австралия жана Иордания курама командалары атаандаштарын ири эсепте утушту

Кечээ, 8-сентябрда Дүйнө чемпиондугунун Азия чөлкөмү боюнча тандоо турунда “В” тайпасында 2 оюн болду. Анда Австралия курама командасы конокто Тажикстан менен беттешип, аталган мелдештеги 3-жеңишине жетишти. Ал эми Иордания курамасы конокто Бангладешти 4:0 эсебинде утуп, топтогон упайларынын санын 7ге жеткирди. Бул тууралуу мелдештин расмий сайты кабарлайт.  

Тажикстан – Австралия – 0:3

Голдор: Марк Миллиган (58-мүнөттө), Тим Кэхилл (73, 90-мүнөттөрдө)

 

Бангладеш - Иордания — 0:4

Голдор: Абдаллах Диб (13-мүнөттө, пенальти), Монтер Абу Амара (33-мүнөттө), Абдаллах Диб (56-мүнөттө), Ясин Бакхит (58-мүнөттө)

Кыргыз Республикасынын курама командасы бул турда беттеш өткөргөн жок. 8-октябрга пландалган кийинки турда биздин оюнчуларыбыз Бишкекте Тажикстан менен кез келишет, ал эми лидерлер Иордания менен Австралия өз ара беттешет. Улуттук курамдын кийинки беттештери, тандоо туру тууралуу толук маалыматты бул жерден таба аласыз.