Бишкекте түрмөгө маңзатты өткөрүү аракети жасалды

Бишкектеги №47-түзөтүү колониясында азык-түлүктү текшерген кызматкерлер кургатылбаган маңзатты (марихуана) табышты. Бул тууралуу бүгүн, 10-сентябрда Жаза-аткаруу кызматынын басма сөз кызматы билдирди.

Маалыматка ылайык, азык-түлүк 17 жылга эркинен ажыратылган 40 жаштагы А.С. аттуу жаранга берилмек болчу. Салмагы 9,5 граммга барабар маңзат резинадан жасалган шардын ичинен табылган. Учурда бул боюнча экспертиза жүргүзүлүүдө.