Астанада Түрк тилдүү мамлекеттердин тышкы иштер министрлеринин кызматташтык кеңешинин отуруму өттү

Астанада 10-сентябрда Түрк тилдүү мамлекеттердин тышкы иштер министрлеринин кызматташтык кеңешинин жыйыны өттү. Анда Кыргыз Республикасы, Казакстан, Азербайжан жана Түркиянын тышкы иштер министрлери уюмдун быйылкы жылдагы ишмердүүлүгүн, кызматташууну кеңейтүүнү талкуулашты. ТИМдин билдиришинче, тышкы иштер министри Эрлан Абдылдаев жыйындан кийин Түрк тилдүү мамлекеттердин башчыларынын 5-саммитине киргизилчү маселелер боюнча талкууга да катышты. Аталган саммит бүгүн, 11-сентябрда Астана шаарында өтөт.