Супер-Инфо
super.kg видео
Казакстанга кулчулукка сатылган Бактыгүл Кошонова консулдукка келди
Казакстанга кулчулукка сатылып кеткен Бактыгүл Кошонова 10-сентябрда Алматы шаарындагы Кыргыз Республикасынын консулдугуна келди. Бул тууралуу 11-сентябрда Өзгөчө кырдаалдар министрлигинин басма сөз кызматы билдирди.
Автор: Айпери Ганыжан кызы
Ал буга чейин талаада мал багып жүргөн жеринен качып чыкканын, андан кийин куруучулардын тамак-ашын жасап берип, жашырынып жүргөнүн айткан. Алардан 30 миң теңге эмгек акы алып, консулдук айткан документтерди даярдап жатканын кошумчалаган. "Жараткан колдоп, мекениме жетип алсам экен. Куруучуларга тамак-аш бышырып иштедим, ал жерден 30 миң теңге беришти. Ошого консулдук айткан документтерди даярдап, сүрөткө түшүп, акчам азайып жатат. 10 миң теңгедей калды. Кыргыз жерине жетип алганга ушул акчам жетер бекен, балам жанымда жүрөт",- дейт Бактыгүл Кошонова.
Эске салсак, 27-августта Казакстандан 1982-жылы 20-апрелде туулган Кошонова Бактыгүл Абилбековна аттуу жаран ӨКМнын ыкчам нөөмөт бөлүмүнө байланышка чыгып, жардам сураган. Ал мындан 7 жыл мурун (буга чейин 8 жыл мурун деп айтылган) 2008-жылдын 25-июнунда 17 кишини белгисиз адамдар "Казакстандан жумуш таап беребиз" деп алдап, сатып жиберишкенин айткан.
Ошол мезгилде Б.Кошонованын колунда 1 жаштагы баласы болгон. Бактыгүл Кошонова Ош облусунун Араван районундагы Төө-Моюн айыл аймагына караштуу Ынтымак айылынан экенин, апасы каза болгонун жана үйүнөн качып кеткенин кошумчалаган. Маалыматтарды текшерүү үчүн Төө-Моюн айыл өкмөтүнүн кызматкерлери келиндин атасы Абилбек Кошонов менен иниси Калил Кошоновду издеп барып, алардын үйүнөн эч кимди таба алышкан эмес.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
17:20
2025-06-27
13:53
2025-06-27
Рейтинг: 
0
0
Провокация жарата турган билдирүүлөрдү жазууга тыюу салынат.