Таалайбек Айдаралиев: “ЕАЭБге киргенден бери күнүгө 3-4 миң тонна азык-түлүк өндүрүмү чет өлкөлөргө кетип жатат”

Кыргыз мамлекети ЕАЭБге киргенден бери күнүгө 3-4 миң тонна азык-түлүк өндүрүмү чет өлкөлөргө кетип жатат. Мындай маалыматты бүгүн, 11-сентябрда Кожомкул атындагы Спорт Ордосунда “АгроПродЭкспо-2015” 11-Эл аралык азык-түлүк жана айыл чарба өндүрүмдөрүнүн көргөзмө-жарманкесинин ачылышында КРнын Айыл чарба жана мелиорация министри Таалайбек Айдаралиев билдирди. Анын айтымында, учурда айыл чарба өндүрүмдөрүнө 35 миңдей эл аралык сапат сертификаттары берилген.

“Өлкөбүз ЕАЭБге киргенден бери биздин көп ишкерлер экспортко көңүлдөнүп калышты. Себеби бажы бекеттеринен товар алып өтүүдө жаралган кыйынчылыктар жоюлду”,- дейт Айдаралиев.