Өспүрүм футболчуларыбыздын атаандашы Оман курамасы Бишкекте алгачкы машыгуусун өткөрдү (фото)

Учурда жер-жерлерде 2016-жылы Индияда өтүүчү өспүрүмдөр арасындагы Азия чемпиондугунун тандоо туру кызуу жүрүп жатат. Тандоо турунда командалар төрт-төрттөн тайпаларга бөлүнгөн. "В" тайпасындагы бардык оюндар Бишкекте өтөт жана мелдеш эртең, 16-сентябрда старт алат. Бул тайпада Кыргыз Республикасы, Иордания, Непал жана Оман курамалары жайгашкан. Мелдештин биринчи күнүндө алгачкы оюнда Непал менен Иордания беттешет. Андан соң кыргыз футболчулары Оман өспүрүмдөр курамасына каршы турат. Бул беттеш алдында командалар бүгүн, 15-сентябрда журналисттердин катышуусунда расмий машыгуусун өткөрүштү.