Супер-Инфо
super.kg видео
Бишкекке заманбап медициналык клиника курулмакчы
Бишкек шаарында заманбап медициналык клиника курулат. Тийиштүү келишим вице-премьер-министр Валерий Диль менен германиялык клиникалардын биринин өкүлү Марк Реймонддун жолугушуусунда түзүлгөнүн 16-сентябрда өкмөттөн билдиришти.
"Хирургия, кардиология жана терапия бөлүмдөрүн камтыган клиниканын курулушу маанилүү окуя болмокчу. Медицина тармагында эң алдынкы технологияларды өздөштүргөн германиялык дарыгерлердин тажрыйбасынын көптөгөн адамдарга жардамы тиет. Германия дары-дармек жана жабдуу жактан жардам берүү менен катар биздин өлкөнүн 10 дарыгерин окуудан өткөрүштү. Кадр даярдоо, тажрыйба алмашуу иштери мындан ары да уланат",- дейт Диль.
Жаңы курулчу клиника тууралуу германиялык өкүл: "Эки тараптуу кызматташтыкты бекемдөөгө багытталган бул кызыктуу долбоор жакын арада ишке ашырылат деген үмүттөмүн. Долбоордун болжолдуу баасы 10 миллион евро",- деп билдирди.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
10:24
2025-07-21
12:59
2025-07-19
Рейтинг: 
0
0
Талкуу жабык.