Курмантай Абдиев: "ЖКнын жыйынында депутаттардын толук курамда отурбаганы - мыйзам ченемдүү көрүнүш"

ЖКнын жыйындарында 120 депутаттын толук курамда отурбаганы мыйзам ченемдүү эле көрүнүш. Мен дайыма эле айтып келем. Эгер бир жерде кырсык болсо, ошол жерге Өзгөчө кырдаалдар министрлигинен кийин эле депутаттар жетип барып, жабыркагандарга колунан келген моралдык, материалдык жардамын берет. Бизде менталитет ушундай. Эл башына кыйынчылык түшсө, "кана, депутаттар?" деп турушат. Эгер депутат жыйынга келбей калса, ошондой иштер менен алектенип жүргөн болушу мүмкүн.