Мамлекет башчы Кызыл-Кыядагы аймактык оорукананын төрөт бөлүмүндө болду

Өлкө башчы Алмазбек Атамбаев Баткен облусундагы иш сапарынын жүрүшүндө Кызыл-Кыя шаарындагы аймактык оорукананын алдындагы төрөт бөлүмүндө болду. Ал медицина кызматкерлери менен жолугушуп, алардын көйгөйлөрүн укту. Мамлекет башчы төрөт үйүнө керектүү делген жабдууларды алып берүүгө 3,5 миллион сом каражат бөлүүгө убада берди. Ошондой эле кийинки жылдын соңуна чейин шаарга спорттук аянтча жана эки балдар аянтчасы куруларын айтты.