Алмамбет Шыкмаматов: “Кыргызстанды “бирдиктүү жашыл аймак” деп атоо экологиялык коркунучсуз жашоого ишеним жаратат”

“Жашыл технологиялар өнүккөн өлкөлөрдүн бардык чарбалык тармактарында ишке киргизилүүдө. Жаратылышы өтө аялуу өлкө болгон Кыргызстанда да токсиндерди, шламдарды, кислоталык шахталарды колдонбогон, жаратылышка аяр мамиле жасаган технологиялар ишке киргизилиши керек”. Мындай пикирин “Ата Мекен” партиясынын талапкери Алмамбет Шыкмаматов Нарын облусунун Жумгал районундагы шайлоочулары менен жолугушуу учурунда айтты. Бул тууралуу партиянын маалымат кызматынан билдиришти. 

Анын айтымында, экологиялык жактан таза машиналарды сатып алган же өндүрүшкө экологиялык жактан таза технологияларды киргизген адамдарды шыктандыруу чаралары иштелип чыгат.

“Ата Мекен” партиясы бул позиция калктын колдоосуна ээ болот деп ишенет. Ал эми Кыргызстанды “бирдиктүү жашыл аймак” деп жарыялоо элде келечекте экологиялык коркунучсуз жашай турганына ишеним жаралышын шарттайт”,- деди Алмамбет Шыкмаматов.

Материал "Ата Мекен" саясий партиясынын шайлоо фонду тарабынан каржыланды.