Өкмөт жооп берет: Орусиядагы мигранттардын "кара тизмесиндемин", Европага Москва аркылуу бара аламбы?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жана чечилбеген маселелер барбы? Анда "Суперстандагы" "Өкмөт жооп берет" бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз. 

Суроо: - Мен Европага кетейин дегем, бирок Москва аркылуу кетиш керек болуп жатат. Тилекке каршы, мен Орусиядагы мигранттардын "кара тизмесине" киргизилгем. Эми Европага кандай жол менен бара алам? 

Жооп: - Эгер Кыргыз Республикасынын жараны кандайдыр бир себептен Орусиядагы "кара тизмеге" киргизилген болсо, ага Орусиянын аймагына кирүүгө тыюу салынат. Мындан улам ал Москва аркылуу Европа мамлекеттерине бара албайт. Бирок мындай категориядагы жаран Европага Стамбул (Түркия) аркылуу тоскоолдуксуз бара алат.