Өзгөндө жол кырсыгынан жабыркагандардын дагы бири каза тапты (аты-жөнү)

Кечээ, 21-сентябрда Ош облусунда Мерседес-Бенц жана Хонда Степ үлгүсүндөгү унаалардын катышуусундагы жол кырсыгынан каза тапкандардын саны жетиге жетти. Бул тууралуу SUPER.KG порталына Өзгөчө кырдаалдар министрлигинен кабарлашты.

Маалыматка ылайык, Хонда Степ унаасында отурган 5 адам каза тапты. Алар: айдоочу Жакыпбек Каримов (1960-жылы туулган), Мейман Өмүрзаков (1936-ж.т.), Мырзалы Жаныбеков (1977-ж.т.), Саламат Исакова (1957-ж.т.), наристе Сумая Райымбаева (2015-ж.т.). Ал эми Мерседес-Бенцте отургандардан 2 адам набыт болду: Майсалбек Орунбаев (1970-ж.т.) жана өздүгү аныктала элек 30-35 жаштардагы айым.

Мындан тышкары учурда Өзгөн райондук ооруканасында 4 жабырлануучу медициналык жардам алууда. Алар: Мастура Абдылдаева (1975-ж.т.), Амир уулу Мурадил (1992-ж.т.), Базаргүл Таирова (1975-ж.т.) жана Артыкбай Жусупжанов (1982-ж.т.).

Айта кетсек, аталган кырсык 21-сентябрда саат 10:00 чамасында Ош облусунун Өзгөн районундагы Мырзаке айылында Өзгөн - Кара-Кулжа унаа жолунун 17-чакырымында орун алган. Учурда анын себебин аныктоо иштери жүргүзүлүүдө.