Бишкекте "Евразиялык экономикалык союз. Региондор аралык кызматташуунун келечеги" аттуу Кыргыз-орус региондор аралык конференциясы өтүүдө

Бүгүн, 22-сентябрда Бишкекте "Евразиялык экономикалык союз. Региондор аралык кызматташуунун келечеги" аттуу Кыргыз-орус региондор аралык конференциясы өтүүдө. Иш-чаранын уюштуруучулары - Орусия Федерациясынын Экономикалык өнүгүү министрлиги жана КРнын Экономика министрлиги. Конференцияга Орусиянын 11 субъектисинен жана Кыргыз Республикасынын 7 облусунан 320дан ашык адам катышууда. Алардын арасында федерациянын төрт регионунун башчылары бар: Новосибирск, Оренбург жана Саратов, Башкортостан Республикасы. Бизнес коомчулукту 85 компания жана ассоциациялардын өкүлдөрү көрсөтүүдө.