Жалал-Абад. Облустук ички иштер башкармалыгы маркум кесиптешинин үй-бүлөсүнө көмөк көрсөттү

Жалал-Абад ОИИБинин кызматкерлери маркум милициянын старшинасы Нурлан Абдыкадыровдун үй-бүлөсүнө жардам көрсөтүштү. Бул тууралуу ОИИБинин басма сөз катчысы Аида Зулпукарова маалымдайт. Эки жаш баласы бар маркумдун үй-бүлөсүнө Жалал-Абад облустук ички иштер башкармалыгы 20 миң сом өлчөмдө материалдык көмөк көрсөттү. Эске салсак, Н.Абдыкадыров 2010-жылдын январь айында жол кырсыгына кабылып каза болгон.