Ошто Курман айт майрамынын урматына бардык 13 аймактык кеңеште курмандык чалынды

Ош шаарында Курман айт майрамынын урматына бардык 13 аймактык кеңеште курмандык чалынды. Бул тууралуу бүгүн, 25-сентябрь күнү мэриянын басма сөз кызматынан билдиришти.

Маалым болгондой, аймактарга кара малдан курмандык союу үчүн Ош шаарынын мэринин фондунан ар бир аймакка 60 миң сомдон, жалпысынан 780 миң сом каражат бөлүнгөн.

Мэр Айтмамат Кадырбаев шаардыктарды Курман айт майрамы менен куттуктап, №1-“Туран”, №12- “Курманжан датка”, №3-“Сулайман-Тоо”, №9-“Амир-Темир” аймактык кеңештерине барды. Анын негизинде көзү өткөндөрдү эскерип куран окулду жана аймактык тургундарга майрамдык дасторкондор жайылды.