Чүй облусунда жол кырсыгынан 15-16 жаштагы 4 бала каза болду

Чүй районунун С.Ибраимов айыл аймагында 27-сентябрь күнү саат 14:37 чамасында Токмок - Кызыл-Аскер жолунун 11-чакырымында Тойота Функарго үлгүсүндөгү унаа жолдон чыгып, түркүктү сүзүп алган. Анын кесепетинен 3 адам жабыркап, 4 адам каза болгон (3 адам окуя болгон жерден, 1 адам ооруканадан көз жумган). Бул тууралуу ӨКМнын басма сөз кызматы билдирди.

Каза болгондор:

1) Мыктыбек уулу Ислам, 15 жашта;

2) Дастан Сагынов, 16 жашта;

3) Эрлан аттуу 16 жаштагы бала, фамилиясы такталууда;

4) Таалайбек уулу Эрлан, 2002-жылы туулган, ооруканага эс-учун жоготуп жеткирилген, 2015-жылдын 28-сентябрында эртең мененки саат 06:00 чамасында ооруканадан каза болду.

Жаракат алып, Чүй аймактык ооруканасына жаткырылгандар:

1) Кайрат Абдыкалиев, 15 жашта;

2) Актан Сагынов, 16 жашта;

3) Жакшылык Акматбеков, 16 жашта;

"Учурда балдардын жашаган жери, толук жашы, туулган жылдары такталууда. Окуя болгон жерге ӨКМнын №21-Аскерлештирилген өрт-куткаруу бөлүгүнүн 4 куткаруучусу чыгып, "Тез жардам" кызматы барганга чейин биринчи медициналык жардам көрсөтүшүп, андан кийин "Тез жардам" кызматкерлерине өткөрүп беришкен. Жабыркагандар жана каза болгондор Чүй райондук ооруканасына жеткирилишкен",- деп айтылат маалыматта.