Чыныбай Турсунбеков: "СДПК алдыдагы 5 жылга амбициялуу, бирок аткарыла турган милдеттерди койду"

"СДПК 2010-жылы элге берген убадаларын аткарды. Жакынкы жылдарга СДПК амбициялуу, бирок аткарыла турган милдеттерди койду",- деп билдирди аталган партиядан Жогорку Кеңештин депутаттыгына талапкер Чыныбай Турсунбеков Баткен шаарынын тургундары менен жолугушууда. Партиянын маалымат кызматына таянсак, Турсунбеков башталган инфраструктуралык долбоорлор өз убагында ишке ашырыларын белгиледи.

"Маанилүү долбоорлордун тизмесине трассаларды жана темир жолдорду, гидроэлектростанцияларын, көмөк чордондорду, сугат каналдарын, оорукана, мектеп, бала бакчаларды куруу иштери кирген",- деген талапкер бардык долбоорлор кыргыз өлкөсүн 2017-жылга чейин туруктуу өнүктүрүү стратегиясына негизделгенин белгилеп, буларды кошумчалады:

"Башка партиялар куру убадаларды беришүүдө, бирок эл аларга ишенбей калган. Алар өлкөнү туруктуу өнүктүрүү стратегиясында камтылган реформалар, долбоорлор тууралуу гана сөз кылышууда. Биз стратегияда камтылган долбоорлорду аягына чыгарууну көздөйбүз жана Кыргызстанды өнүктүрүүнүн жаңы орто мөөнөттүү стратегиясын иштеп чыгабыз".

Материал СДПК саясий партиясынын шайлоо фонду тарабынан каржыланды.