Коомдук активист: "Депутаттардан кол тийбестикти аларга карата кылмыш иши козголгондо алуу керек"

"Депутаттардын кол тийбестигин аларга карата кылмыш иши козголгондо алуу керек". Бул тууралуу бүгүн, 30-сентябрда «КРнын Жогорку Кеңешинин депутаттарынын жеңилдиктерин жана артыкчылыктарын жокко чыгаруу» кыймылынын өкүлү Алмаз Бейшеев билдирди. 

Анын айтымында, депутаттардын кол тийбестигин таптакыр алып салуу жөнүндө сөз жок. «Биз Жогорку Кеңештин депутаттарынын кол тийбестигин алып салсак, анда депутаттар көп нерсени айтуудан коркуп калышат. Ошол эле учурда бул артыкчылыкты туура эмес пайдаланган эл өкүлдөрү бар. Дал ушундай кылмыш жасап жүргөн депутаттардын кол тийбестигин алып салуу зарылдыгын сунуш кылабыз»,- дейт Бейшеев.