Марат Аманкулов: "Жаштар менен биргеликте жаңы Кыргызстанды курабыз"

Бишкек шаарынын тургундары менен жолугушуу учурунда СДПКнын атынан Жогорку Кеңештин депутаттыгына талапкер Марат Аманкулов: "СДПК өзүнүн саясий платформасында Кыргызстандын жаштарына таянат. Жаштар - биздин эртеңибиз. Сиздер мамлекеттин тиреги, үмүтүсүздөр. Биргеликте биз жаңы Кыргызстанды курабыз",- деп билдирди.

Ал отуз күн аралыгында бардык партиялар шайлоочулардын добушуна ээ болуу үчүн күрөшүп келишкенин белгилеп: "СДПК гана сиздер менен диалог түздү. Бардык талапкерлер борбор калаанын ар бир көчөсүн жөө кыдырып, шайлоочулар менен жолугушуп, алардын суроолоруна жооп берип жатышты. Шаарды көрктөндүрүү жаатындагы курч суроолорду борбордун жаштары беришти. Бүгүнкү күндө алгылыктуу иштерди жасап, көйгөйлөрдү чечкендиктен, сиздердин алдыңыздарга баш көтөрүп чыгып жатам",- деп билдирди талапкер.

Депутаттыкка талапкер өлкөнүн өнүгүүсүнө жооп берүү менен бирге келечекке ылайыкташкан билим берүүнүн кыргызча моделин түзүү СДПКнын планында бар экенин кошумчалады.