Тайырбек Сарпашев шайлоодо жергиликтүү бийликти чагымчылдыкка алдырбоого чакырды

Биринчи вице-премьер-министр Тайырбек Сарпашев бүгүн эртең менен саат 6:30да парламенттик шайлоого карата селектордук жыйын өткөрдү. Сарпашевдин басма сөз катчысы Мелис Эржигитов SUPER.KG`ге билдиргендей, биринчи вице-премьер жергиликтүү бийликтин өкүлдөрүнө бүгүнкү шайлоодо ызы-чууга алдырбоо тапшырмасын берди. Шайлоодо кырдаалды курчутууга айрым партиялардын өкүлдөрү аракет кылышарын, эч убакта чагымчылдыкка алдырбоону эскертти. Шайлоо участкаларында иштегендер укук коргоо органдары менен байланышты үзбөшү керектиги айтылды.