Байкоочулар кечээки шайлоо алар үчүн пайдалуу жана кызыктуу өткөнүн айтышты

Көз карандысыз Мамлекеттер Шериктештигинин байкоочулар миссиясынын төрагасы Владимир Гаркун кечээ, 4-октябрда өткөн Жогорку Кеңештин депутаттарын шайлоо тынч жана коопсуз өткөнүн айтты.
"Уюштуруу жагы мыкты болду. Шайлоочулардын жоопкерчилиги байкалды. Жалпысынан КМШ мамлекеттеринен 137 байкоочу иш жүргүздү. Биз үчүн шайлоо кызыктуу жана пайдалуу өттү, анткени шайлоодо биометрика жана автоматташтырылган урналар колдонулду. Биз бул жаңы технологиялар менен тааныштык",- деди Гаркун.
Мындан тышкары байкоочулар шайлоодо жаштардын активдүү катышканын баса белгилешти.