Сууда сүзүү боюнча Азия чемпиондугунда кыргыз спортчулары 8 медаль тагынышты

Сууда сүзүү боюнча Таиландда өткөн Азия чемпиондугунда кыргыз спортчулары 8 медаль тагынышты. Аталган спорт түрү боюнча федерациядан кабарлашкандай, анда Дарья Таланова 3 дисциплина боюнча байгелүү орундарды алды. Ал 50, 100 жана 200 метр аралыкка брасс стилинде сүзүп, 3 күмүш медаль алды.
Ал эми уландар арасында Кирилл Вайс 2 медаль тагынды. Анын бири брасс стилинде 100 метр аралыкка жарышта күмүш тагынса, эркин сүзүүдө өз эсебине коло медаль жазган. Ошондой эле Станислав Карнаухов да 1 коло жана 1 күмүш тагынды (50 метр жана 100 метр аралыкта). Өспүрүмдөр арасында болсо Никита Пауков 800 метр аралыкка сүзүүдө коло медалды багындырды.