Чет элдик байкоочу: “Жергиликтүү журналисттер шайлоого байланыштуу аналитикалык өз алдынча материалдарды жасашкан жок”

Бүгүн, 5-октябрда чет элдик байкоочулар парламенттик шайлоонун жүрүшү туурасында маалымат жыйын өткөрүштү. ЕККУ ПА делегациясынын башчысы Ивана Добесова: “Шайлоодо жергиликтүү журналисттер шайлоого байланыштуу аналитикалык өз алдынча материалдарды жасашкан жок”,- деди. Анын айтымында, көпчүлүк массалык маалымат каражаттарында чектелген жаңылыктар жана аналитикалык изилдөөнүн жетишсиздигинен шайлоочуларга объективдүү маалыматтар жетишсиз болду.
«Массалык маалымат каражаттары талапкерлерге өз көз караштарын билдирүү үчүн дебаттар жана саясий жарнамалар аркылуу мүмкүнчүлүк түзүп беришти. Бирок жаңылыктардагы кампания тууралуу материалдар жана болуп жаткан иш-чаралар боюнча берүүлөр акы төлөгөн баяндамалардан гана турду. Партиялардын кампаниясы жана платформасы тууралуу редакциялык баяндоолордун жетишсиздигинен улам мамлекет тарабынан каржыланган ММКларда президент жана башка мамлекеттик даражалуу кызматкерлер тууралуу ашыкча он тариздеги макалалар жана берүүлөр өзгөчө көзгө урунуп турду”,- деди Добесова.