Алмазбек Атамбаев президент Владимир Путинди туулган күнү менен куттуктады

Мамлекет башчы Алмазбек Атамбаев Орусиянын президенти Владимир Путинди бүгүнкү туулган күнү менен куттуктады. Президенттин куттуктоосунда Орусиянын динамикалуу жана көп тараптуу өнүгүүсү, эл аралык кадыр-баркынын бекемделиши Путиндин жогорку мамлекеттик кызматтагы ишмердүүлүгү менен тыгыз байланыштуу экени айтылат. "Сиздин кажыбас кайратыңыз, лидерлик сапатыңыз жана өзгөчө жөндөмдүүлүгүңүз боордош орус элинин жыргалчылыгына жана гүлдөп өнүгүшүнө мүмкүндүк берерине ишенем",- деп айтылат куттуктоодо.
Президент кесиптешине бекем ден соолук, бакыт жана мамлекеттик ишинде жаңы ийгиликтерди каалады.