Малайзиялык студия Кыргызстандын улуттук ашканасы тууралуу документалдуу фильм тартат

Малайзиянын ТV3 телеканалынын "Primeworks" студиясы Кыргызстандын улуттук ашканасы тууралуу документалдуу фильм тартат. Тасманы тартуу үчүн Кыргызстанга Малайзиядан атайын тандалган 3 башкы ашпозчу келет жана өлкөнү кыдырып жергиликтүү ашкананын, маданияттын уникалдуулугу тууралуу айтып беришет. Кыргызстандын улуттук тамак-ашы тартылчу тасма 6 эпизоддон туруп, тартуу иштери 21 күнгө созулат. Алдын ала маалыматтарга караганда, аталган иш-чарага жергиликтүү ашпозчуларды тартуу жагы да пландалууда.
      Кыргызстандын Малайзиядагы элчилиги өлкөнүн туристтик мүмкүнчүлүгүн пропагандалоого бул иш-чара сонун шарт түзүп берерин белгиледи. Тартылган тасма малайзиялык ТV3 телеканалынан 2015-жылдын декабрында көрсөтүлмөкчү.