Түркияда Бишкек менен Анкаранын кызматташтыгы талкууланды

Кыргыз мамлекетинин Түркиядагы элчиси Ибрагим Жунусов жана Бишкектин вице-мэри Бакыт Дүйшөмбиев баштаган делегация 7-октябрда Анкара шаарынын мэриясы уюштурган Шаарлардын глобалдуу дизайны уюмунун жыйынына катышты. 

Элчиликтин билдиришинче, жыйындын башкы максаты - шаарлардын өнүгүшү, шаардыктардын татыктуу жашоосуна шарт түзүү жаатында тажрыйба алмашуу. Жыйынга 20 өлкөнүн өкүлдөрү катышып, айрым шаарлар тууралуу маалыматтардын бет ачары болду. Бишкектин вице-мэри менен элчи жыйындын алкагында Анкара шаарынын мэри менен жолугушуп, тараптар Анкара менен Бишкектин кызматташтыгы, алаканы бекемдөө үчүн жасалчу мындан аркы кадамдар тууралуу сүйлөшүшкөнү айтылды.