Депутаттарга жаңы 120 кресло сатылып алынбайт

Жогорку Кеңеш депутаттар үчүн жаңы 120 креслону сатып алуу боюнча тендерди жокко чыгарды. Бул тууралуу SUPER.KG порталына парламенттин Иш башкармалыгынан кабарлашты. Маалым болгондой, бул чечим бүгүн, 13-октябрда кабыл алынды. 

Айта кетсек, 8-октябрда Жогорку Кеңештин VI чакырылышынын депутаттарына 2 миллион 682 миң сом сарптап жаңы 120 кресло сатып алуу боюнча тендер жарыяланган. Сатылып алынуучу 120 кресло интернеттеги социалдык түйүндөрдө кызуу талкууну жараткан.