Ош облусунда Кырсыктардын коркунучун азайтуунун эл аралык күнүнө карата машыгуу өттү (фото)

Ош облусунда Кырсыктардын коркунучун азайтуунун эл аралык күнүнө карата машыгуу өттү. Муну бүгүн, 14-октябрда Өзгөчө кырдаалдар министрлигинен билдиришти.
Маалым болгондой, иш-чара 13-октябрь күнү ӨКМнын Республикалык куткаруучулар отрядынын бөлүмүнүн окуу борборунда өткөрүлдү. Машыгуунун башкы максаты Ош облусунун Жарандык коргоо башкармалыгынын органдары менен жергиликтүү коммерциялык эмес уюмдардын альянсынын жер титирөө маалындагы иш-аракеттерин жөнгө салуу болуп эсептелет.   

Ошондой эле аталган иш-чара алардын даярдык деңгээлин жогорулатууга, өзгөчө кырдаалдын масштабын жана жабыркагандардын керектөөсүн баалоого, адамдардын өлүмүн болтурбоого, материалдык жана техникалык ресурстарды эффективдүү пайдаланууга үйрөнүү жана башкаларга багытталган.