Бишкектин борбордук көчөлөрү бир тараптуу болгонуна айдоочулар көнбөй жатышат

Бишкектин борбордук 4 көчөсү бүгүн автоунаалар үчүн бир тараптуу болду. Алар: Киев, Токтогул, Москва жана Бөкөнбаев көчөлөрү. Бирок айдоочулар буга көнбөй жатышат, мурункудай эле эреже менен аталган көчөлөрдө каршылаш унаанын жолуна чыгып алгандар арбын болууда.
Жол-кайгуул кызматы көчөлөрдүн ар бир кесилишинде МАИ кызматкерлери иштеп, айдоочуларга түшүндүрүү иштери жүрүп жатканын билдирди. Жол-кайгуул кызматынын басма сөз катчысы Тилек Оторовдун SUPER.KG порталына билдиришинче, айдоочуларга 3 күн түшүндүрүү иштери жүрүп, андан кийин көчөгө туура эмес кирген айдоочуларга 1000 сомдон айып пул салына баштайт.