"Чүй жогорку чыңалуудагы электр тармактары" ишканасы "Башкы" көмөк чордонун жаңылоону аяктады (фоторепортаж)

"Чүй жогорку чыңалуудагы электр тармактары" ишканасы "Башкы" көмөк чордонун жаңылоону аяктады. Бул тууралуу бүгүн, 16-октябрда "Кыргыз улуттук электр тармагы" ишканасы өткөргөн пресс-турда белгилүү болду. 

Маалым болгондой, көмөк чордонунда бардык аба өчүргүчтөрү алмаштырылып, жабдуу жаңыртылды. Иш-чара керектөөчүлөрдүн электр камсыздоосунун ишенимдүүлүгүнүн жогорку деңгээлин камсыз кылуу жана күз-кыш мезгилине даярдык көрүү максатында, "Энергетика секторун өнүктүрүү" долбоорун ишке ашыруу алкагында өткөрүлдү.

Аба өчүргүчтөрүн толугу менен алмаштырууда көмөк чордонун ачык бөлүштүргүч түзмөктөрүндө басым түзүүчү орнотмолорунун жүктөлүшү жеңилдетилди. Ошондой эле энергетикалык объектти тейлөөдө да чыгымдар азайды. Мындан тышкары "Башкы" көмөк чордонунда жабдуунун 11 даанасы 68,9 миң сом жалпы суммада капиталдык оңдоодон, ошондой эле 71 даанасы 383 миң сом суммада күндөлүк оңдоодон өткөрүлдү.

Айта кетсек, "Башкы" 220/110/10 киловатт көмөк чордону системдер аралык негизги көмөк чордону болуп эсептелет. Ленин айылында жайгашкан бул көмөк чордонунун жалпы аянты 9 гектарга барабар. Электр энергиясы менен Чүй жана Бишкек шаарынын түндүк бөлүгү камсыздалат.