“Тамашоу”: Парламенттик шайлоону күлкүгө айланткан оюнда "Позитифф" командасы "Мыкты команда" аталды

Бүгүн, 16-октябрда Кожомкул атындагы Спорт Ордосунда “Тамашоу” Лигасы 8-сезонун баштады. Аны долбоордун негиздөөчүсү Эрмек Нурбаев алып барды.

Бүгүнкү оюн парламенттик шайлоо, саясий партиялардын үгүт иштерин чагылдырган тамашаларга бай болду. Жыйынтыгында "Позитифф" командасы "Мыкты команда" аталды. Ал эми "Порыв ветра" командасынын оюнчусу Сайид "Мыкты оюнчу" наамына татыктуу болсо, "Кыргыз двордун" кекеч ит тууралуу тамашасы 8-сезондун ачылышындагы мыкты тамаша болду.

"Тамашоучулардын" өнөрүнө актриса Шайыр Касымалиева, эстрада ырчысы Урмат Усенов, “Супер-Инфо” гезитинин башкы редактору Эльвира Караева, юрист Жоомарт Жолдошев, стилист Замира Молдошева, режиссёр Рысбек Жабиров, спортчу Чыңгыз Боркошев баа беришти.

Белгилей кетсек, бүгүн “Позитифф”, “Элестет”, “Ассорти”, “Мисс шоу”, “Жалал-Абад”, “Ацтек”, “IUK”, “Универсал”, “НКБ”, “National”, “Багыт”, “Ошингтон”, “Кыргыз двор”, “Brooklyn”, “Рота”, "Порыв ветра" командалары таланттарын тартуулашты.