Супер-Инфо
super.kg видео
БШКда тизмеден чыгуу тууралуу арызга өздөрү кол койбогон талапкерлердин маселеси каралууда
Бүгүн, 20-октябрда БШКда тизмеден чыгуу тууралуу арызга өздөрү кол койбогон талапкерлердин маселеси каралууда. Бул боюнча Борбордук шайлоо комиссиясынын мүчөсү Гүлнара Журабаева баяндама жасап жатат.
Автор: Жамалдин Парманкулов
Фото: Жамалдин Парманкулов
Маалыматка караганда, "Өнүгүү" партиясынан Нургазы Айдаров өз колу менен кол койбогонун айтып чыккан. Ушундай эле билдирүүнү "Республика-Ата Журт" партиясынан 8 талапкер айткан.
"Бул талапкерлер 4-октябрдан кийин кол коюшпаганын айтышты. Менин оюмча, маселени кайрадан карап чыгуу керек",- деди Журабаева.
БШКнын мүчөсү Р.Бекбасаров Гүлнара Журабаевага кайрылып: "Сиз ошол күнү партия мүчөлөрүн кабыл алып жатканда кат бар беле? Азыр эмненин негизинде кайра карап чыгууну сунуштап жатасыз?"- деди. Г.Журабаева кат кагаз түрүндө жазылбагандыгын айтты.
Төрага Т.Абдраимов: "Эч кимиси кол койгон катын карап көрүүнү суранып кат жазган эмес. Жөн эле оозеки кайрылган. Демек, биз жыйынга негизсиз чогулуп калган болобуз",- деген оюн айтты.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
10:24
2025-07-21
12:59
2025-07-19
Рейтинг: 
0
0
Талкуу жабык.