№50-абактын башчысы кызматынан бошотулду

№50-түзөтүү колониясынын башчысы Имаш Телтаев ээлеген кызматынан бошотулду. Бул тууралуу бүгүн, 21-октябрда Жаза аткаруу кызматынын басма сөз кызматы билдирди.

Маалыматка ылайык, тиешелүү буйрукка ЖАМКтын башчысы Алик Мамыркулов кол койду. "Коом үчүн коркунучтуу кылмышкерлердин түрмөдөн качуусуна жеткирген олуттуу каталарды кетиргени үчүн №50-абактын башчысы Имаш Телтаев кызматынан бошотулду",- деп жазылат маалыматта.

Мындан тышкары аталган себеп менен төмөнкү кызматкерлер да ээлеген кызматтарынан алынышты:

- Оперативдүү режим башкы башкармалыгынын жетекчиси;

- Оперативдүү режим башкы башкармалыгынын ыйгарым укуктуу өкүлү;

- Тарбиялоо жумуштары боюнча башкармалыгынын башчысы;

- Тартип жана көзөмөл бөлүмүнүн башчысы;

- Күзөт жана конвой департаментинин батальонунун командири;

- Байланыш жана техникалык камсыздоо тобунун ага инспектору;

- №50-СИЗОнун толук ички курамы алмаштырылды.