Жогорку Сот БШКнын эки талапкерин "Республика - Ата Журт" партиясынын тизмесинен чыгаруу боюнча чечимин жокко чыгарды

“Республика - Ата Журттун” тизмесинен депутаттыкка талапкерлер Алиярбек Абжалиев менен Закир Шараповдун арызын Жогорку Сот 22-октябрда болгон соттук отурумда канааттандырды. Алар БШКнын 15-октябрдагы аты аталган талапкерлерди тизмеден чыгарган чечимин жокко чыгарууну талап кылышкан эле. Соттук отурумдун жыйынтыгында Борбордук шайлоо комиссиясынын жана Биринчи Май райондук сотунун чечими жокко чыгарылды.