Супер-Инфо
super.kg видео
Белгисиз бирөөлөр сабап кеткен SUPER.KG`нин кабарчысы милицияга арыз жазды
Бишкекте белгисиз бирөөлөр сабап кеткен SUPER.KG`нин кабарчысы Максат Орозумбетов Бишкектин Биринчи Май райондук ички иштер башкармалыгына арыз жазды. Эскерте кетсек, окуя кечээ түнү түрмөдөн качкан кылмышкер Алтынбек Итибаевди кармоо операциясы учурунда болгон. Достук кичи районунда окуяны чагылдырып жүргөн кабарчыбызды белгисиз балдар сабап, колунан окуяны тартып жүргөн видеокамерасын жулуп кетишкен.
Автор: Автандил Добулбеков
"Белгисиз балдар чачымдан кармап алышып ичке, көкүрөккө тепкилеп киришти. Башымды кучактап жатып калдым. Ошол учурда колумдан камераны жулуп качып кетишти. Мени сабап жатышканын ары жактан милиция кызматкерлери көрүштү, бирок жардамга келишкен жок. "Эй, жигиттер, койгула" дегенге араң жарашты",- дейт Максат.
Кабарчыбыз камерасы менен ошол жердеги окуяларды тартып жаткан, анда окуянын жүрүшү тууралуу материалдар бар болчу. Анын сабалышына, балким, катардагы адамдардай кийинген тартип коргоо мекемелеринин кызматкерлеринин тиешеси болушу мүмкүн. Балким, камерага аларга компромат болчу кадрлар тартылып калышы ыктымал...
Түрмөдөн качкандарга байланыштуу милициянын элден жашырган эмнеси бар? "Террористтер" деп өлтүрүлүп жаткан кылмышкерлердин чын эле террорист экенине кепилдик барбы? Бычакчан кылмышкерди кармай албаган милицияга миллиондогон акча коротулуп жатканы туурабы? Кармалган кылмышкерлер ошол кармалган жерге өздөрү келишкенби же аларды ошол жерге алып келишип анан "постановка" кылышканбы? Суроо артынан суроо жаралып жаткан чак.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
9:42
2025-07-02
14:27
2025-07-01
8:26
2025-07-01
Рейтинг: 
0
0
Эми чындык чыкса экен.