Супер-Инфо
super.kg видео
ЭЛДИК КАБАР: Оштогу көп кабаттуу үйдүн жарым-жартылайы сырдалып, калган бөлүгү "кран жетпей калды" деген шылтоо менен ошол бойдон сырдалбай калды
"Оштогу көп кабаттуу үй жарым-жартылай сырдалып, калган бөлүгү "кран жетпей калды" деген шылтоо менен ошол бойдон сырдалбай калды". Бул тууралуу окурман 27-октябрда SUPER.KG порталына WhatsApp аркылуу кабарлады.
Окурман Ош шаарынын күнүн белгилөөгө чейин үйдүн сыртын толугу менен сырдап берүүнү мэриядан суранат. "Ош шаарындагы Масалиев көчөсүндө жайгашкан көп кабаттуу үйдүн жашоочулары өз демилгелери менен акча чогултуп, турак жайдын сыртын сырдатуу үчүн Ош мэриясына кайрылып кран алышкан. Ал кран ээси июнь айында "кран жетпей калды" деген шылтоо менен үйдүн сыртын жарым-жартылай сырдап, калган бөлүгүн калтырып койгон. Андан бери 5 ай өтсө да мэрия көңүл бурбай келе жатат. Шаар күнүн белгилөөгө 2 күн калды. Ошондуктан мэрия кран берсе, биз жарым-жартылай кылбай толук бүтүрүп алат элек",- деди ал.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |