Футбол боюнча өлкө чемпиондугунда "Алга" клубу "Кейжи Юнайтедди" 6:0 эсебинде утту

ТОП-Лигада чемпиондук наам Оштун “Алай” футболдук клубуна буюрганы менен, 3-орун үчүн күрөш кызуу уланууда. Лигада “Абдыш-Ата” менен "Алга" клубдары коло медаль үчүн күрөшүп жатышат.

Бүгүн, 27-октябрда ТОП-Лиганын алкагында “Алга” клубу "Кейжи Юнайтед" менен беттешип, 6:0 эсебинде утуп алды. Голдорду Мирбек Акматалиев (2 гол), Иван Филатов (2 гол), Жаныбек уулу Жанар жана Рустамов Турсунали киргизди.  

Бул жеңиш менен 3 упайга ээ болгон "Алга" карамагындагы упайлардын санын 30га жеткирди.  

* 

Кошумчалай кетсек, ТОП-Лиганын жобосуна ылайык, өлкө чемпиондугундагы 6 команда бири-бири менен төрттөн оюн ойноп чыгат. Жалпысынан сезондо 1 команда 20 оюн өткөрүүгө тийиш.