Эртең VI чакырылыштагы Жогорку Кеңеш өз ишин баштайт

Эртең, 28-октябрда VI чакырылыштагы Жогорку Кеңеш өз ишин баштайт. Алгач 120 депутат салтанаттуу ант берип, андан кийин Борбордук шайлоо комиссиясынын төрагасы аларга күбөлүк жана белгиленген үлгүдөгү төш белгини тапшырат. Ушул күндөн тартып V чакырылыштагы депутаттардын ыйгарым укуктары токтотулат.

Эскерте кетсек, 4-октябрда өткөн шайлоодо парламентке 6 партия өтүп, алар төмөнкүдөй добуш алышкан: 

КДСП 442 846 добуш алып, жалпы жыйынтыгы 27,5 пайызды түздү (38 орунга ээ болот);

"Республика-Ата Журт" 318 266 добуш алып, жалпы жыйынтыгы 20,6 пайызды түздү (28 орунга ээ болот);

"Кыргызстан" 205 268 добуш алып, жалпы жыйынтыгы 13,7 пайызды түздү (18 орунга ээ болот);

"Өнүгүү-Прогресс" 147 515 добуш алып, жалпы жыйынтыгында 9,39 пайызды түздү (13 орунга ээ болот);

"Бир бол" 134 909 добуш алып, жалпы жыйынтыгында 8,59 пайызды түздү (12 орунга ээ болот);

"Ата Мекен" 122 500 добуш алып, жалпы жыйынтыгында 7,80 пайызды түздү (11 орунга ээ болот).