Бишкекте эки айда шаардыктардан тазаланбаган таштандылар боюнча миңге чукул билдирүү келип түшкөн

Бишкекте 2-сентябрдан 28-октябрга чейин тазаланбаган таштандылар боюнча шаардыктардан 979 билдирүү келип түшкөн. Мындай маалыматты бүгүн, 28-октябрда Бишкек мэриясынын басма сөз кызматынан билдиришти.
Маалым болгондой, Ленин району боюнча азырынча 150 билдирүү боюнча иштер аткарылып, алар "Тазалык" жана "Жашылдандыруу" ишканаларына жөнөтүлгөн. Октябрь району боюнча жалпысынан 468 билдирүү келип түшүп, алардын 385и аткарылды, 6 билдирүү боюнча жумуштар жасалууда. Биринчи Май районуна 208 билдирүү келип, алар боюнча тийиштүү жумуштар жасалды. Свердлов районуна келип түкөн арыздардын 63ү гана ишке ашты.