Бишкекте унаа уурдаган жигиттер кармалышты

Бишкекте унаа уурдаган үч жигит кармалды. Бул тууралуу ИИМдин маалымат кызматынан кабарлашты. Маалым болгондой, алар Бишкектеги үйлөрдүн биринин алдында токтоп турган унааны уурдоого аракет кылып жаткан жеринен Биринчи Май РИИБинин кызматкерлери тарабынан колго түшкөн. Алгач унаа ээси үйүнөн чыгып унаасын жаш жигиттер уурдоого аракет кылып жатышканын байкап калып, милицияга кабар берген. Милиция келген учурда ал балдар качып кетүүгө аракет кылып, бирок колго түшүүгө аргасыз болушкан.

Тергөөдө аныкталгандай, 19 жаштан 21 жашка чейинки бул үч жарандын дагы 5 унаанын уурдалышына катыштыгы бар экени аныкталды. Учурда кылмыш иши козголуп, алар Бишкек ШИИББинин убактылуу камоочу жайына киргизилишти. Тергөө иши жүрүп жатат.