Кубанычбек Кулматов: “Тез жардам” кызматы дагы 15 атайын унаа менен толукталат”

“2016-жылдын январь айында “Тез жардам” кызматы дагы 15 атайын унаа менен толукталат”. Мындай маалыматты бүгүн, 30-октябрда жаңы 12 санитардык унааны “Тез жардам” кызматына тапшыруу аземинде шаар башчысы Кубанычбек Кулматов билдирди. Анын айтымында, 1,5-2 жылда “Тез жардам” кызматы керектүү делген унаалар менен камсыздалат.

Бишкек шаардык кеңешинин төрагасы Алмаз Кененбаев өз сөзүндө: “Бишкек шаарынын бюджетинин 4 миллиард сомунун 1,5 миллиард сомдон ашыгы саламаттыкты сактоо системине жумшалат. Албетте, бул каражаттар дагы деле аздык кылат. Келечекте биз социалдык тармакка дагы көбүрөөк көңүл бурууга аракет кылабыз”,- деди.