Супер-Инфо
super.kg видео
ЭЛДИК КАБАР: Көк-Бел айылында түн ичинде мектепке уурулар киришип, компьютерлерди уурдап кетишти
Бүгүн, 4-ноябрда Ноокат районунун Көк-Бел айыл өкмөтүнүн Кенжемат Абдылакимов атындагы орто мектебине түнкү саат 03:00 чамасында уурулар кирип, информатика, математика жана мектептин директорунун бөлмөлөрүнүн эшиктерин ачып, жаңы келген жана колдонулган көптөгөн компьютерлерди уурдап кетишкен. Бул тууралуу окурман SUPER.KG порталына WhatsApp аркылуу билдирди.
"Кароолчу эки күн мурун Бишкекке өз иштери менен кеткен болчу. Уурулар ошондон пайдаланышкан. Бүгүн эртең менен мектеп жетекчилиги уурулук фактысы боюнча милицияга кабарлаган. Текшерүү иштери жүрүп жатат. Окуучулар эртең менен сабакка киргизилбей, үйлөрүнө кетишти",- деди окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
-1
Эскертүү!
Жеке билдирүүлөр үчүн купуя бар!