Бишкекте жакында кошумча үч троллейбустук каттам ачылышы мүмкүн

Бишкекте жакында кошумча үч троллейбустук каттам ачылышы мүмкүн. Бул тууралуу бүгүн, 10-ноябрда Бишкек шаардык кеңешинин Бюджет жана каржы боюнча комиссиясынын жыйынында вице-мэр Геннадий Милицкий билдирди. Анын айтымында, жаңы каттамдар Асанбай, цирк, Аламүдүн-1, Батыш автобекети аркылуу өтүшү мүмкүн.

“Жогорку чыңалуудагы кошумча 48-50 троллейбусту алуу үчүн бизге Европа өнүктүрүү банкы 7,9 миллион евро бергени турат. Анын 5 миллиону насыя, ал эми 2,9 миллиону грант түрүндө берилет. Бул каражаттар эки транш менен келери белгиленген”,- деди Милицкий.