Борбордук шайлоо комиссиясынын сурап-билүү телефону иштей баштады

КРнын Шайлоо жана референдум өткөрүү боюнча Борбордук комиссиясында бүгүнтөн баштап ишеним телефону иштей баштады. Шайлоочулар (0312) 62-09-09 номерине телефон чалып, өзүн шайлоочулардын тизмесинен тактап сурап алса болот. БШК билдиргендей, шайлоочулар 15-ноябрга чейин өзү добуш бере турган шайлоо участкасына барып өзү тууралуу маалыматтарды тактаса болот. Ошондой эле алар участкалык шайлоо комиссиясына кайрылып, тизме боюнча өзүнө байланыштуу кандайдыр бир ката, тактоочу жерлерди оңдотсо болот.