Египетте кулаган орусиялык учактан таймери бар жабдык табылганы айтылууда

Египеттин Синай жарым аралына кулаган Орусиянын учагынан таймери бар жабдык табылганы айтылууда. Айрым чет элдик басылмалар өздөрүнүн такталбаган булактарына таянып, "таймер тууралуу маалымат террочулардын өз ара сүйлөшүүсүнөн алынган же ал учакты текшерүүдө табылганы так аныктала элек" деп билдиришүүдө.

Алдын ала белгилүү болгондой, жардыруучу зат учак учканга чейин эки саат мурун күйүүчү май багынын жанына орнотулган. "Мунун баары учакты тейлеген кызматкерлердин анын кулашына катыштыгы бар экенин көрсөтөт",- дешет басылмалар.

Айта кетсек, эки апта мурун, 31-октябрда 224 жүргүнчүсү менен Египеттин Шарм-эль-Шейх шаарынан Санкт-Петербургга сапар тарткан орусиялык А321 учагы Египеттеги Синай жарым аралына кулаган.