Бишкекте "Тамашоунун" жарым чейрек финалы өтүүдө

14-ноябрда Кожомкул атындагы Спорт Ордосунда “Тамашоу” Лигасынын 8-сезонунун жарым чейрек финалы өтүп жатат. Аны долбоордун негиздөөчүсү Эрмек Нурбаев алып барууда.
Бүгүн “Позитифф”, “Ассорти”, “Универсал”, “НКБ”, “National”, “Ошингтон”, “Кыргыз двор”, “Рота”, "Порыв ветра", “Brooklyn”, "Ала-Тоо" командалары өз өнөрлөрүн көрсөтүшөт. Алардын өнөрүн эстрада ырчысы Урмат Усенов, “Супер-Инфо” гезитинин башкы редактору Эльвира Караева, юрист Жоомарт Жолдошев, "тамашоучу" Кубаныч Курманбеков, ырчы Айбек Замиров, ырчы Аяна Касымова, спортчу Улан Эралиев электен өткөрүшүүдө.

"Биатлон" сынагындагы тамашалар:

"Кыргыз двор": – Сүйүнчү! Казакстанда жаңы теледолбоор ачылып, ал "Уурдайлы кыргыз ырларын" деп аталмай болду.

"Порыв ветра": – Тиш доктур командировкага бара жатып аялына пломба коюп кетет экен.

"Ала-Тоо": – Жалаң макалдар менен жашаган киши уулун сүнөткө отургузарда жети өлчөп бир кесиптир.

"Универсал": – Ошто көп кабаттуу үйлөр курулуп жатканын көргөн баткендиктер аларды туурап үй курушуптур, бирок жашаганга адам жок болуп калыптыр.

“National”: – Биринчи күнү телефонун сууга түшүрүп алган бала эртеси башын сууга салып сүйлөшүп баштаптыр.

­­­­­­­

"Позитифф": – Вулканизацияда иштеген байке үйдө да, жумушта да жел чыгарат.

"Рота": – Европадагы эшектер кыргыз жерин Сириядай көрүшөт.