Жалал-Абад облусунда УКМКнын атына жамынган жалган кызматкерлер иштеп жүргөнү белгилүү болду

Жалал-Абад облусунда өздөрүн "УКМКнын Коррупцияга каршы күрөшүү кызматынын өкүлдөрүбүз" деп тааныштырып, бир катар бюджеттик жана жеке менчик мекемелерге мыйзамсыз текшерүү жүргүзүп келген топтун иши ачыкка чыкты. Бул тууралуу бүгүн, 11-мартта УКМКнын басма сөз кызматы билдирди. Жалган атка жамынып жүргөндөр “Коррупцияга каршы элдик көзөмөл” коомдук бирикмесинин өкүлдөрү Ж.Пазылов, Б.Кыргызбаев, К.Кыргызбаев, А.Өскөнбаев жана В.Дүйшөналиева экендиги белгилүү болду. Алар 2012-жылы "Жалал-Абад суу канал" ишканасынан мыйзамсыз түрдө акча өндүрүп алышкан. Бул факты боюнча учурда кылмыш иши козголуп, тергөө жүрүп жатканы кабарланды.